Serbski Program
SERBSKI ROZHŁÓS rozprawja : 100. róčnica załoženja Domowiny w lěće 2012
Hdyž něchtó swoje stoćiny swjeći, potom je to dobra přičina za wulki swjedźeń. Nic hinak pola Domowiny, kotraž lětsa na swoje 100-lětne wobstaće zhladuje. Załožena bu 13. oktobra 1912 we Wojerecach wot zastupjerjow z 31 towarstwow, a poetiske mjeno za „domizna“ bě namjetował jedyn z iniciatorow a pozdźiši městopředsyda, farar Bogumił Šwjela. Hač do dźensnišeho skutkuje Domowina za serbski lud, serbsku rěč a kulturu. Z wobšěrnym jubilejnym programom přez cyłe lěto chce wona, ze swojim młodym předsydu Dawidom Statnikom na čole, pokazać zo tu Serbja hišće su, a wosebje: kak witalni su! Serbski rozhłós lěto róčnicy rady přewodźa. Tule namakaće rozprawy, interviewy a reportaže k tomu, hač aktualne abo pozadkowe.
