Reakcije na wuslědki wólbow

Najsylniša strona cyłeje Hornjeje Łužicy je nětko AfD před CDU a Lěwicu. Hornju Łužicu zastupujetaj w nowym Zwjazkowym sejmje Němskeje čłonaj AfD Karsten Hilse z Budyskeho wokrjesa a Tino Chrupalla ze Zhorjelskeho wokrjesa.

Prěnje reakcije na wólby:

Jenož hišće 33 procentow wolerjow Němskeje je wčera CDU/CSU woliło - tak mało kaž hišće ženje w stawiznach Němskeje. Jedyn, kotryž bě dla toho wčera wječor po šesćich słyšomnje stuleny, bě tež sakski ministerski prezident Stanisław Tilich.

Marja Michałkowa je wjacore wólbne periody Hornju Łužicu - a we wěstej měrje tež Serbow - w najwyšim parlamenće Němskeje zastupowała. Smy ju wčera wječor pozdźe w Njedźichowje zetkali, hdźež chcyše poprawom ze swojim móhłrjec naslědnikom Rolandom Ermerom swjećić. Tola z toho ničo njebu. A tež to je Marju Michałkowu wčera wječor słyšomje zmotało.

Tež předsyda Domowiny Dawid Statnik je z tym ličił, zo budźe AfD sylna strona, tola nic najsylniša w Hornjej Łužicy - a to z druhim a prěnim hłosom. Nětko budźe nowy partner Domowiny we wjele naležnosćach Karsten Hilse wot AfD. A toho kaž tež program strony w serbskich dypkach Dawid Statnik hižo znaje. Z nim je Andreja Chěžcyna rěčała.

Zapósłanc w sakskim krajnym sejmje, Marko Šiman, je w swojej politiskej karierje hižo wjele wólbow dožiwił. Tola zo je jeho CDU tak słabje wotrěznyła, bě wčera wječor tež za njeho njelube dožiwjenje. Smy so jeho wječor pozdźe hišće prašeli, kak wón wčerawše wuslědki hódnoći.

We Worklecach 25% za AfD, Ralbicach a Njebjelčicach 23%, w Chrósćicach 20% a w Pančicach 18%. Tute ličby tež Lěwicarja Heika Kozela tež njezměruja.

Naš kolega Roman Nuk je wčera ze Zhorjelca wobkedźbował, kak Češa a Polacy reaguja.

,

posledni raz aktualizowane: 26. požnjenca 2017, 08:58 hodź.