Radijo SATKULA | 16.11.2015 | 21:30 hodź. Črjopjenc
Hauptinhalt
19. nazymnika 2015, 09:53 hodź.
Schadźowanka
Potajkim tón kónc tydźenja sobotu 21. nowembra woćakuje nas Event, na kotryž hižo cyłe lěto čakamy, 141. Schadźowanka. Na wšitkich kiž su sej kartki skazali: Mysliće na to, je jutře wotewzać.
Kermušne reje Ralbicy
Tež lětsa přeprošuje was, tohorunja sobotu, Ralbićanska młodźina do swojeje festiwalskeje bróžnje. Wo dosć piča je starane a hudźbnje wam wječor “DJ Guido”porjeńši. Zastup płaći 4 eura. Za wšitkich kotřiž su pod 18 přinješće sej wašu maminu cedlku sobu, dokelž płaći za tutu party P18.
Młodostni na Chrysta Krala do Chrósćic
Nyšpor wosebje za młodostnych budźe na swjedźenju Chrysta Krala njedźelu, 22. nowembra, w 14 hodź. w Chróšćanskej cyrkwi. Po tym sće na faru do „dźiwadłoweje kofejownje“ přeprošeni.
Za Swětowe zetkanje młodźiny so přizjewić
Někotři serbscy młodostni podadźa so klětu zhromadnje na Swětowe zetkanje młodźiny do Krakowa. Tute wotměje so wot 20. do 31. julija. Přizjewić měli so k tomu najpozdźišo hač do 20. Januara 2016 z formularom, kotrež su w cyrkwjach wupołožene. Samsny formular tež pod www.posol.de namakaće. Wažne informacije su na tutych flajerach wozjewjene.
