Apotekowa zahroda w Budyšinje

Hojenske zela ze zahrodki su dźeń a woblubowaniše. W Budyšinje nastawa runje apotekowa zahrodka, kotraž ma być za wšěch přistupna. Iniciatorka je wjednica měšćanskeje apoteki Sylwija Jancyna.

Apothekergarten in Bautzen, Leiterin der Stadtapotheke Sylvia Janze
prawa za wobrazy: MDR/Lydia Matschie

"Apotekowa zahrodka z hojenskimi zelami, to by tola tež něšto za město Budyšin było.", wjednica apoteki Sylwija Jancyna bě hnydom zahorjena wot ideje sobudźěłaćerki.

Apothekergarten in Bautzen, Michaeliskirche
prawa za wobrazy: MDR/Lydia Matschie

Prosy inicitawu "Zeleny Budyšin - Stadtbegrüner" wo pomoc. Deleka při Michałskej cyrkwi, napřećo Starej Wodarni, maja płoninu wot města a tam móhło so hišće něšto stać. A město je tomu přizwoli. Wot měrca so apotekowa zahrodka nětko zwoprawdźuje.

Rostliny w rjadkach su wšelkim temam přirjadowane. Namakaš rostliny, kiž pomhaja přećiwo chorosćam z kožu abo jeli maš problemy ze žołdkom, tak Sylwija Jancyna.

Apothekergarten in Bautzen
prawa za wobrazy: MDR/Lydia Matschie

Wjacori dobrowólni pomhachu sobu murki sadźeć, pućiki ryć a přinošachu rostliny ze swójskeje zahrody. Wšitko sta so pod idyliskej kulisu tołstych muri Michałskeje cyrkwje. Z dobrymi pokiwami po boku běchu stajnje tež měšćenjo a turisća, kiž so po Reymannowym puću wuchodźujo, apotekowu zahrodu chwalachu. Z jich sympatiju a pomocu wšak za přichod zahrody liča, tak Sylwija Jancyna.

Jeli nawječor něchtó nimo dźe a widźi: tu je něšto suche potom dajće so prošu rady do dźěła. Kanki tu přeco wisaja.

Silwija Jancyna

Hišće kukaja sadźenki móličke a skromnje ze zemje a je ćežko je rozeznawać, bórze ma so tole změnić. Dźěło Sylwije Jancyneje a pomocnikow wšak njeje hišće zakónčene. Taflički ze serbskim, němskim a łaćonskim mjenom maja so hišće připrawić. Nimo toho ma so na taflach code načisćeć, kiž zmóžnja, sej přez smartphone přidatne informacije načitać. Tež šulske rjadownje móhli so tule wuwučować. Zela šćipać abo wulce žnjeć, njeje wotmysł.

Apothekergarten in Bautzen
prawa za wobrazy: MDR/Lydia Matschie

Zo sej wobydlerjo iniciatiwu waža, wo tym je Sylwija Jancyna přeswědčena. Zahrodka pódla apotekowych rostlinow, kiž hižo dwě lěće rosće a kćěje a wutrobu hrěje, to potwjerdźi.

Apothekergarten in Bautzen, Leiterin der Stadtapotheke Sylvia Janze 3 mjeń.
prawa za wobrazy: MDR/Lydia Matschie

Apotekowu zahrodku, kotraž nastawa při Michałskej cyrkwi w Budyšinje, je sej Lydija Maćijowa z apotekarku a sobuiniciatorku Sylwiju Jancynej wobhladała.

štw 07.05.2020 06:12hodź. 02:41 mjeń.

https://www.mdr.de/serbski-program/rozhlos/aktualne-prinoski/audio-1394790.html

prawa MITTELDEUTSCHER RUNDFUNK

awdio