Ralbicy/Worklecy: Kubłanišći zawrjenej

Ralbičanska pěstowarnja wostanje dla koronawirusoweho pada wot dźensnišeje póndźele hač do 22. meje zawrjena. Jeje wotnožce, žłobik w Smjerdźacej a Ralbičanski hort wostanjetej za nuzowe skupiny wotewrjenej.

Ein leeres Klassenzimmer in einer Schule.
prawa za wobrazy: dpa

Kaž zdźěli předsydka Serbskeho šulskeho towarstwa, Ludmila Budarjowa, je hač dotal skupina z 11 dźěćimi a třomi kubłarkami w karantenje a so testuje, dalši 10-ćo přistajeni pósćelu so do karanteny. Tež we Worklečanskim horće je so při nuzowym dohladowanju pad korony zwěsćił. Nuzowe dohladowanje tam za njewěsty čas wusadźa. Šulerjo štwórteho lětnika we Worklecach móža šulu dale wopytać - wučba bě w hinašich rumnosćach - a tež šulskemu startej prěnjeho do třećeho lětnika 18. meje dotal ničo njeprěkuje, zdźěli wokrjes Budyšin.

Nowotwar horta we Worklecach

We Worklecach chila so twar horta we wulkich kročelach swojemu kóncej. To praji wjesnjanosta Franc Brusk. Mjeztym je špundowanje po cyłym objekće składźene, poslednje durje so hišće zatwarja a zbytna elektrika so doinstaluje. Tež wonka je nimale wšitko doplestrowane. W juniju so hort z meblami napjelni, wón ma so spočatk noweho šulskeho lěta wotewrić.

Hort Räckelwitz
prawa za wobrazy: MDR/Lydia Matschie