Němski mištr w spěšnosankowanju

Serb Malyn Wićaz je hromadźe z Markusom Arnoldom nowy němski mištr w spěšnosankowanju. A to w młodźinje A w disciplinje z dwěmaj sedłomaj. Štwórtk běše mytowanje w Königsseeju. Nimo toho bu nominowany jako sportowc lěta 2019 we wokrjesnym sportowym zwjazku Sakska Šwica/Wuchodne Rudne horiny.

Malyn Wićaz
prawa za wobrazy: MDR/eisarena-königssee.de

Spěšnosankowar ze Zarěča pola Njeswačidła je jedyn ze 113 nominowanych dorostowych sportowcow. Wón trenuje w Altenbergskim towarstwje RRC. Myto so 13. měrca w Pirnje spožči.