Common Voice - computer wuknje serbsce rěčeć

Waš smartphone rěči z wami jenož němsce? To pak měło so změnić! Z projektom Mozilla Common Voice maja mobilne nastroje a computery bórze tež serbsce nawuknyć. A při tym móže kóždy z nas pomhać.

Ein Echo Dot von Amazon und ein Google Home
prawa za wobrazy: MITTELDEUTSCHER RUNDFUNK

Inteligentne systemy maja serbsce nawuknyć. Ale kak? 21-lětny Syman Sćapan studuje w Mannheimje wědomosć wo digitalnych datach. Syman Sćapan ma pisane sady jako zakład a potom zwuk analyzuje, kak so słowa wurjekuja. Program dale wuknje a so polěpši. Tak kaž małe dźěćo, kiž dyrbi tež wšitko hakle nawuknyć.

Der Lautsprecher Amazon Echo - Alexa Voice Service 3 mjeń.
prawa za wobrazy: dpa

Tohodla je wažne, tójšto rěčanych sadow jako bazu měć, jako bazu za tute wuknjenje. A tu móže kóždy mašinu podpěrać. Ćim wjace Serbow sobu čini, ćim lěpje je. Tež wšelake splahi a staroby su wažne, wšako ma system w přichodźe kóždeho zrozumić.

Mit Headset (Köpfhörer und Mikrofon) sitzt eine Mitarbeiterin vor einem Computermonitor in einem Callcenter.
prawa za wobrazy: dpa

Smy němske a jendźelske modele analyzowali a spytamy na tutym zakładźe zrozumić, kak dyrbja so tajke modele nastajić. Mam jako student narok wědu z tym zdobyć a model na serbšćinu nałožować.

To pak je jenož započatk, wě direktor Załožby za serbski lud, Jan Budar. Wšako ma kóždy digitalny koncern swójsku technologiju za rěčnych asistentow kaž Siriju abo Alexu.

Na kóncu budźe trjeba daty poskičeć móc. Tuž praju Googlej, Applej atd.: Móžeće rady naše daty dóstać, jako předskok a je potom z wašimi technologijami kombinować.

Jan Budar, neuer Direktor der Stiftung für das sorbische Volk.
prawa za wobrazy: MDR/Milan Greulich

Potom pak móža nastroje hakle jenož rěčanu serbšćinu zrozumić a napisać, wjace nic. Dalši krok je potom, zo móže system tež pisane słowo předčitać. Na tym slědźi tuchwilu serbski institut, ale 2023 ma potom tak daloko być.

Sorbisches Institut
prawa za wobrazy: MDR/Matej Zieschwauck

Dźe wo to, zo móžeš sej webstronu přečitać dać. Tuta funkcija hodźi so tež za rěčnych asistentow. Jedyn puć je input - rěčanu rěć zrozumić. Dalši puć je rěč interpretować, potajkim prawy wuslědk namakać. A třeći krok je namakanu wotmołwu tež přez wótřeřečak přečitać dać.

A runje srjedźanski krok, zo system serbske wobsahi zrozumi a inteligentnje předźěła, budźe hišće dołho trać. Tuž njeje jasne, hdy Siri na prašenje serbsce wotmołwi. Na kóncu pak leži w rukomaj Appla, Googla abo Amazona, nětko natočene daty tež do swojich technologijow a systemow zaplesć.

posledni raz aktualizowane: 06. małeho róžka 2020, 10:03 hodź.

Der Lautsprecher Amazon Echo - Alexa Voice Service 3 mjeń.
prawa za wobrazy: dpa