Hamburgski lěkar Dr. Stani Nawka 25 lět dźěło za bjezdomnych

Dr. Stani Nawka je jedyn z někak 15 lěkarjow, kiž w Hamburgu bjezdomnych medicinisce zastaruje, a nic jenož to. Mjeztym čini tute dobrowólne dźěło pola Carity hižo na wšěch 25 lět. Dobrowólnje.  W swobodnym času. Wo jeho dźěle je so Blanka Funcyna z Dr. Stanijom Nawku rozmołwjała.

Dr. Stani Nawka, lěkar w Hamburgu
prawa za wobrazy: Stani Nawka

Woni nimaja žane ćopłe łožo, žadyn ćopły schow, žadyn "home-office". Město toho su žiwi na pućach, pod mostami, na někajkich pappkartonach w parkach. Hačrunjež je Hamburgski nuzowy zymski program najwjetši po cyłej Němskej, je wot spočatka decembra hač donětka jeničce tam 12 bjezdomnych zemrěło. Dr. Stani Nawka zastaruje bjezdomnych medicinisce a to dobrowólnje. Wo jeho čestnohamtskim dźěle z lěkarskim mobilom CARITY, w mjeztym 25tym lěće, wo jeho dožiwjenjach a planach je so Blanka Funcyna z nim rozmołwjała. Přinošk móžeće sej tule naposkać:

Wobrazowu galeriju wo sktukowanju Dr. Stanija Nawki smy Wam tule zestajili:

Štó je Dr. Stani Nawka?

Stani Nawka je so narodźił 1960 a wotrostł je w swojej ródnej wsy Wotrow, je jedne z 11 dźěći Nawkec swójby. W měrcu 1989 je přišoł do Hamburga, studował je w Lipsku medicinu. Je nan třoch dźěći. Za swój socialny angažement je so jemu 2010 spožćił Zwjazkowy zasłužbowy křiž wot tehdyšeho zwjazkoweho prezidenta Christiana Wulffa (CDU).

Dr. Stani Nawka, lěkar w Hamburgu
prawa za wobrazy: Stani Nawka