Lěs a jeho strowotniski staw

W sakskich lěsach je jenož hišće kóždy štwórty štom strowy. Na tym wina su wosebje wichory a ekstremna suchota zašłeju lět. Ale kak nětko dale? Kak wupada drje naš lěs za někotre lěta?

Mann im Wald zeigt auf Baum
prawa za wobrazy: MDR/Lydia Matschie

W přichodźe budźe so napohlad našich lěsow změnić, wo tym je tež hajnik Michał Zahon z Wěteńcy, kiž priwatnych wobsedźerjow lěsa w Kamjenskej kónčinje poradźuje, přeswědčeny.

Roteiche
Čerwjeny dub z Ameriki tuchwilu najlěpje na suchotu reaguje. prawa za wobrazy: MITTELDEUTSCHER RUNDFUNK

Monokultury nimaja šansu – šmrěk so scyła wjac njesadźi. Wón radźi, nic na jednu družin sadźić a nowe družiny wuspytać, kotrež ze suchotu lěpje wuńdu. Čerwjeny dub z Ameriki, tučasnje najlěpje na aktualnu suchotu reaguje. Chójny a dub, lipa, klon, robinija su družiny přichoda.

Werner Čornak z Hrańcy w swojim lěsu mjez Hórkami a Nowoslicami prawidłownje staw štomow kontroluje.
Zasadnje su wobsedźerjo lěsa zamołwići, zo w lěsu porjadk knježi. Dyrbja jón prawidłownje přeńć a wot skórnika napadnjene štomy wudźěłać.

Mann im Wald zeigt auf Baum
prawa za wobrazy: MDR/Lydia Matschie

Běłe dypki na štomach, to su wšo městna hdźež su so bruki nutř točili a hdźež so štomy spytaja wobarać. Ze žiwicu spyta štom dźěrki začinić, jeli so jemu to poradźi, potom móže wón škódnika přežiwić.

Werner Čornak
Ein Borkenkäfer kriecht über eine befallene Fichte
prawa za wobrazy: dpa

Bruki, najznačiši škórnik, je přez wichor a suchotu dweju posledneju lět optimalnje wobstejnosće rozmnoženja namakał. Loni samo tři generacije wob lěto. Skórnik poćina zaso wot 15 stopjeńkow ćopłoty wulećeć. To rěka, praji tež hajnik Michał Zahon, zo maja wobsedźerjo potom 4-8 njedźelow chwile štomy namakać, pod kotrychž skoru je skórnik. A tute potom z lěsa zrumować. Jenož tak móžeš rozmnoženju skórnika zadźěłać, je sej Zahon wěsty. Zo maja štomy sami dosć mocow so skórnikej wobarać, za to trjebaja nuznje dešć. Wokomiknje je zaso přesucho.

Mann im Wald zeigt auf Baum 3 mjeń.
prawa za wobrazy: MDR/Lydia Matschie

posledni raz aktualizowane: 10. wulkeho róžka 2020, 10:25 hodź.