Paslenski tip: Małe mjezwočka z włosami

Čas hač do jutrow so ćehnje. Mały tróšt: paslenski tip, kak móžeće sej popołdnjo abo kónctydźenja čas zabić.

Dundak jejka paslić
prawa za wobrazy: MDR

K tomu trjebaće:

Kressesamen in einer Tüte.
prawa za wobrazy: MDR/Daniela Dufft

jejka - běłe abo brune
watu abo pjeršć
symješka za žerchej / Kressesamen

Najprjedy skedźbnje dwě dźěrce do jejka piknyć a je cyle kedźbilwje wuduć. Při tym wam snadź mać, nan abo wowka pomhaja. Potom horni dźěl jejka trochu wobělić, tak zo nastanje tam wjetša dźěra. Nětko móžeće jejka po wašim słodźe pomolować - mjezwočka - z nawočemi - jedne, kiž so směje abo tež chutnje hlada.

Kressesamen in einer Eioerschale beginnen zu keimen.
prawa za wobrazy: MDR/Daniela Dufft

Jako přichodne sypnjeće trochu pjeršće do jejka abo natykaće je z watu. Potom skedźbnje někotre symješka žercheje horje sypnjeće.

In einem Eierkarton sind Kressesamen auf Wattepads aufgegangen.
prawa za wobrazy: MDR/Daniela Dufft

Na kóncu hišće trochu z wodu pokrjepić. A nětko rěka: čakać!

Jejka DUNDAK
prawa za wobrazy: MDR

Ale nic dołho. Jeli wšědnje trochu krjepiće a jejka tak dołho pola was na wokno stajiće, tak zo słónco rjenje horje swjeći - potom změja jejka hižo po někotrych dnjach rjane zelene frizury.

Potom maće hnydom rjany darik k jutram abo strowy přikusk na pomazku.