Towarstwo "Swjateje Filomeny" zaso hromadźi Hodowna pakćikowa akcija

Humanitarne towarstwo "Swjateje Filomeny" hromadźi wot přichodneje póndźele zaso hodowne pakćiki za dźěćinu a swójby w maćerno-dźěćacym domje w Dolní Podluží, w Jiřetínje a w bołharskim měsće Razgrad a wokolnych wsach. Pakćiki móhli so pjelnić na přikład z kakawom, słódkosćemi, hrajkami, pisanskimi a hygieniskimi materialijemi. Trjebane drasty a črije so lětsa njehromadźa.

Hilfstransport 3 mjeń.
prawa za wobrazy: MDR/Monika Gerdes

Hižo wot załoženja towarstwa "Swjateje Filomeny" w lěće 2001 so pakćikowe akcije kóždolětnje přewjedu. Spočatnje wožachu mjez druhim tež drastu a črije do Bosniskeje, Chorwatskeje a Pólskeje, zdźěli załožer a předsyda towarstwa Gerat Róbl. Lětuše pakćiki móža so wot póndźele, 23. nowembra hač do štwórtka, 26. nowembra wšědnje nawječor w kulturnym domje w Smjerdźacej wotedać. Při rozdźělenju je jara spomóžne, hdyž ma pakćik nalěpk, na přikład z pokazku za holcu mjez 14–16 lět abo za hólca mjez 1–4 lět abo cyłu swójbu atd.

Eine Frau packt ein Wihnachtspäckchen
prawa za wobrazy: dpa

Tež pjenježne dary so přiwzaja, tak rěka ze stron towarstwa dale. Z nimi maja so prěnjotnje transportne košty narunać. Dale maja pak so tež socialne zarjadnistwa podpěrać. Kwitowanku za pjenježne dary so rady po dochadźe wupisaja.

Volksbank Dresden-Bautzen e.G.

IBAN DE55 8509 0000 6036 0810 05

BIC GENODEF1DRS

Kontoinhaber: St. Filomena Verein e. V.

Verwendungszweck : Hilfsaktion 2020

Dalše informacije dóstanjeće tež pod telefoniskim čisłom 035796 / 96540.

Kinder und Erwachsene mit Paketen, Gerat Robel/Gerat Róbl, towarstwo swjateje Filomeny.
prawa za wobrazy: MDR/Bettina Wenderoth