Pokiwy do lěća: Prózdninske poskitki za dźěći a swójby

Skónčnje – to zawěsće šulerki a šulerjo nětko rjeknu. Prózdninski čas je so zahajił. Tola što činić z telko swobodnym časom? Dokal sej dojěć? Clemens Šmit je tule wšelakore prózdninske poskitki za dźěći a swójby zběrał.

Drei Kinder laufen auf einem Waldweg
prawa za wobrazy: Colourbox.de

Lisćina kupjelow we Łužiskim rumje je dołha. Zo byšće mały přehlad wo tym dóstali, hdźe móžeće so w prózdninach abo po dźěle kupać, běštej Satkularce Helena Šołćic a Aquina Žurec w pjeć bliskich kupjelach po puću.

Die 93 Meter lange Rutsche bereitet vor allem jungen Badbesuchern viel Spaß. 3 mjeń.
Die 93 Meter lange Rutsche bereitet vor allem jungen Badbesuchern viel Spaß. prawa za wobrazy: MDR/Martin Kliemank
3 mjeń.

wu 19.07.2022 07:10hodź. 03:08 mjeń.

https://www.mdr.de/serbski-program/rozhlos/aktualne-prinoski/audio-2083360.html

prawa MITTELDEUTSCHER RUNDFUNK

awdio

+++++++++++++

W Smjerdźacej wuhotuje Serbske kubłanske srjedźišćo LIPA kaž loni hižo zaso swoje prózdninske dny. Tutón poskitk w kooperaciji ze Serbskim šulskim towarstwom měri so na dźěći wot prěnjeho do štwórteho lětnika. Budźe to wot 22. do 26. awgusta w tamnišim Kulturnym domje.

Prózdninske poskitki
prawa za wobrazy: MDR

Štóž nochce tak dołho čakać, za toho maja w Smjerdźacej dalši poskitk, kaž je nam sobu organizatorka Michaela Rabowa přeradźiła. Planuja tam mjenujcy tež swójbne stanowanje, kotrež wotměje so wot 27. do 28. julija. Cyłkowny přehlad namakaće tule.

+++++++++++++

Wězo změja lětsa tež zaso w Budyskim Serbskim muzeju wšelakore poskitki za dźěći a młodostnych. Kaž je zamołwita za zjawnostne dźěło muzeja, Monika Ošikowa rjekła, planuja tam wšelakore a pisane dźěłarnički. Mjez druhim zaběraja so z temu narodna drasta a moda. Dale maja planowane pućowanje po Budyšinje pod widom wuměłcow.

Prózdninske poskitki
prawa za wobrazy: MDR

Tutón poskitk je na přikład za dźěći wot 8 lět. Abo wy podaće so na slědy serbskich bajow – to je poskitk hižo za dźěći wot 5 lět. Dźěłarnički wotměja so w awgusće, stajnje dopołdnja. A popłatk wučinja něhdźe štyri do šěsć eurow. Nadrobniše informacije namakaće tule.

+++++++++++++

W Njeswačidle nimaja jenož krasny hród, ale tež přirodoškitnu staciju. Što móža dźěći tam wšitko w prózdninach dožiwić, to zhoniće tule.

Barockschloss Neschwitz
prawa za wobrazy: Gemeindeverwaltung Neschwitz

+++++++++++++

A kak móhli raz tróšku hinaši dnjowy wulět z cyłej swójbu po Drježdźanach planować, smy tule za Was zestajili. Drježdźanske stare město dźěći wšak najskerje hižo znaja, jenož nakupować we Łobjowym parku tež runje ta najlěpša prózdninska zabawa njeje a za nócne žiwjenje w Nowym měsće su wone hišće přemłode. Što so potajkim za dźěći hodźi, hdyž so w prózdninach na dnjowy wulět do Sakskeje stolicy hotuješ? Měrćin Wjenk je někotre ideje zezběrał.

Blick auf die Semperoper und das König-Johann-Denkmal auf dem menschenleeren Theaterplatz in Dresden
prawa za wobrazy: imago images/Andreas Weihs

Smy-li někajki poskitk hišće zabyli? Pisajće nam, wudospołnimy tutón přehlad rady!

+++++++++++++

A snano zajimuje Was tež tutón artikl: