Rěčny kućik dr. Jany Šołćineje (09.12.2015) Glühwein „mit Schuss“
Hauptinhalt
23. hodownika 2015, 09:26 hodź.
„Glühwein mit Schuss“ – po hodownych wikach dundajo čitamy tole w budkach, w kotrychž so horce wino najwšelarišich družinow předawa. W Budyšinje na přikład je so lisćina płaćiznow mjez druhim tež do hornjoserbšćiny přełožiła – a tuž nasta prašenje, kak móhli tole serbsce wuprajić. Němsko-hornjoserbski słownik nam w datym konteksće dale njepomha, dokelž by so zawěsće kóždy posłownemu přełožkej „horce wino z wutřělom“ smjał. Pytajmy tuž za lěpšim wotpowědnikom! Šklénčku palenca, kotraž so horcemu napojej přida, móžemy wězo konkretnje pomjenować – potom bychmy prajili, zo pijemy horce wino z palencom abo likerom. Je to potajkim přidatny lunk alkohola. Tuž móhli tohorunja prajić, zo pijemy horce wino z lunkom – a lubi posłucharjo, konkretnje doporučam horce wino z amaretto- abo oranžowym likerom. A tuž hnydom wěsće, zo sym so z tematiku dźensnišeho rěčneho kućika woprawdźe intensiwnje zaběrała. Tuž dajće tež Wy sej horce wino – wšojedne hač z bjez bjez přidatneho lunka palenca - zesłodźeć!
