Martina Njekowa

01. nalětnika 2011, 09:46 hodź.

Što dokładnje činju …

- sym asistentka Bogny Korjeńkoweje
- podpěram z mojej koleginu wjednicu studija we wšědnych nadawkach

Mój lětnik

1981

Hdźe sym wotrostła, hdźe bydlu dźensa:

Wotrostła sym we Worklecach. Po někotrych lětach zwonka Łužicy wjeselu so, zo móžu nětko ze swójbu zaso we Worklecach bydlić.

Moje wukubłanje/studij

Wukubłanje na korespondentku za cuze rěče w Zhorjelcu, přidatnje wukubłanje na polu BWL wobłuk informatiki

Mój puć k rozhłosej

Nahromadźich sej nazhonjenja w cyłej Němskej w poslednich lětach, w najwšelakorich předewzaćach a wobłukach. Sym mój puć, snano tež z małym kuskom zboža, do rozhłosa namakała. Běch cyle jednorje w prawym času na prawym městnje.

Što so mi na mojim dźěle lubi

• jara wotměnjace a zajimawy wobłuk nadawkow
• wšědnje něšto noweho dožiwić a nawuknyć
• tu w studiju so přeco něšto hiba a knježi wosebita atmosfera.
• wobchad mjez kolegami: kaž wšelacy tež wšitcy smy a kak skok so swět tu husto wjerćeć dyrbi: z wutroby so smjeć možemy so tu wšědnje.

Što činju w swojim swobodnym času najradšo …

Hdyž mam raz cyle wjele časa, rady sački tykam. Hewak pak poprawom dźěći postajeja, kotry hobby runje mam: molować, paslić, hry hrać, knihi čitać... :-)

Moje žiwjenske moto

Do přichoda hladać, nic wróćo. Zašłosć njehodźi so tak a tak wjac změnić.