Tomaš Faska

Tomaš Faska je studowany žurnalist. Nimo redakciskeho dźěła za Serbski rozhłós njese tež sobu zamołwitosć za regionalne powěsće a přinoški Budyskeho studija MDR 1/Radijo Sakska a stara so wo „Rěčne kućiki“.

Što dokładnje činju …

  • moderěruju serbske rańše wusyłanja
  • pisam a čitam němske regionalne powěsće
  • sym za redakciske přihoty rańšich wusyłanjow zamołwity
  • zestajam wobšěrne wusyłanja za njedźelski program

Mój lětnik …

1961

Hdźe sym wotrostł, hdźe bydlu dźensa …

  • wotrostł w Komorowje pola Rakec a w Budyšinje
  • dźensa bydlu w Darinje

Moje wukubłanje/studij …

  • 1967 – 1975 Serbska polytechniska wyša šula w Budyšinje
  • 1975 – 1979 Serbska rozšěrjena wyša šula w Budyšinje
  • 1982 – 1986 studij žurnalistiki na Karla Marxowej uniwersiće w Lipsku z wotzamknjenym diplomom

Mój puć k rozhłosej …

  • 1979 wolontariat w Serbskej redakciji sćelaka Choćebuz Radija NDR
  • wot tam delegowany na studij
  • po zakónčenym studiju zazběh powołanskeho puća jako rozhłosownik w Budyskim studiju (tehdy, 1986, słušacy sćelakej Choćebuz, dźensa regionalne studijo MDR 1 RADIO SAKSKA – SERBSKI ROZHŁÓS)

Što so mi na mojim dźěle lubi …

  • wšědna wotměnjawosć, kotraž žada sej mnohostronskosć a samostatnosć
  • móžeš wšědnje swoju kreatiwitu dopokazać
  • dźěło z młodymi ludźimi, kotřiž maja elan k samostatnemu dźěłu a zajim, stajnje něšto noweho nawuknyć

Što činju w swojim swobodnym času najradšo …

  • sport: hraju rady wolejbul, richochet a sym rady w Alpach po puću, pak pěši, pak z kolesom, najradšo pak na sněhakach

Moje žiwjenske moto …

Prócuj so, změnić wěcy, kotrež njeměli tajke wostać. Akceptuj wěcy, kotrež njehodźa so změnić a wukni dźeń a lěpje, to jedne wot tamneho rozeznawać.

posledni raz aktualizowane: 16. nalětnika 2011, 10:53 hodź.