Monika Gerdesowa
Hauptinhalt
01. nalětnika 2011, 09:49 hodź.
Monika Gerdesowa je wukubłana wučerka za serbšćinu a rušćinu a je za čas přewróta puć k rozhłosej namakała. Ze swojim dźěłom chce prócowanjam wo traće Serbstwa přinošować.
Što dokładnje činju …
- sym redaktorka za serbske wusyłanja: moderěruju rańše wusyłanja wotydźenja, pisam powěsće, sym po puću jako reporterka, zhotowjam njedźelne featury a magaciny, sym tež sobu zamołwita za planowanje programa.
Mój lětnik …
1960
Hdźe sym wotrostła, hdźe bydlu dźensa …
- hdźež sym wotrostła, tam tež zaso bydlu: w Chrósćicach
Moje wukubłanje/studij …
- diplomowa wučerka za serbšćinu a rušćinu
Mój puć k rozhłosej …
- po wokołopućach
- po studiju w Lipsku skrótka přistajena pola tehdyšeho „Instituta za serbsku ludowědu“
- to słyšach wot tehdyšeho redaktora Helmuta Rychtarja, zo so w Budyšinje nowe studijo natwari, za kotrež hišće ludźi pytaja
- sym so spontanje rozsudźiła a buch po probowych reportažach 1989 přistajena
Što so mi na mojim dźěle lubi …
- zo je to dźěło z ludźimi
- zo wšědnje něšto přinawuknu
- zo cyłu Łužicu zeznaju
- zo směm, haj, dyrbju kreatiwna być
- zo so žadyn dźeń druhemu njeruna
- zo smy w rozhłosu super mustwo
Što činju w swojim swobodnym času najradšo …
- w priwatnej putniskej hospodźe w swojim Chróšćanskim domje putnikow hospodować, kotřiž běža abo kolesuja po ekumeniskim putniskim puću
- jim čas wěnować, so rozmołwjeć
- sama tež kóžde lěto wěsty wotrězk po Jakubowych pućach pěši absolwuju, z kónčnym cilom Santiago de Compostela w Španiskej
- kontakty k bywšim putnikam a k druhim hospodowarjam wudźeržować
- w zymje małe kulturne zarjadowanja w swojej putniskej hospodźe organizować
- nimo toho rady w zahrodce podźěłam a čitam: serbske knihi a němske historiske romany
Moje žiwjenske moto …
Wosebje dowěra: Njemóžeš ženje hłubšo padnyć hač do ruki Božeje. A: Bóh móže tež na křiwych linkach runje pisać.
