Andreja Chěžcyna

01. nalětnika 2011, 09:46 hodź.

Stawizny, serbšćinu a žurnalistiku je Andreja Chěžcyna studowała – a paralelnje wot 90-tych lět w SATKULI dźěłała. Mjeztym je hłownje zamołwita za serbske a němske wusyłanja.

Što dokładnje činju …

• sym zamołwita za serbske a němske powěsće a rozprawy
• planuju program
• rozprawjam za wšědny program w serbskej a němskej rěči

Mój lětnik …

1977

Hdźe sym wotrostła, hdźe bydlu dźensa …

• wotrostła sym w měrnej wsy, w Prawoćicach mjez Satkulu a Hatkami
• nětko bydlu ze swójbu w Budyšinje – z třomi Chěžkami w poł chěži ze zahrodu

Moje wukubłanje/studij …

• Serbska šula „Jurij Chěžka“ w Chrósćicach
• Serbski gymnazij w Budyšinje
• studij stawiznow, serbšćiny a žurnalistiki w Lipsku, wotzamknjenje jako magister
• wolontariat pola MDR, sym mjez druhim dźěłała pola „Sputnik“, „Geschichte Mitteldeutschlands“, „Hier ab vier“, „ARD aktuell“ a „Polylux“

Mój puć k rozhłosej …

• po žołmach radije SATKULE sym so zadźěłała do wšědneho programa Serbskeho rozhłosa kaž tež do WUHLADKA, dale potom do němskich strukturow MDR

Što so mi na mojim dźěle lubi …

• mam dobrych kolegow
• kreatiwnosć w słowje, korektnosć w faktach
• (jenož derje, zo) dyrbju so druhdy z temami zaběrać, wo kotrychž njebych hewak žane zdaće měła, dokelž so z nimi priwatnje ženje rozestajała njebych
• šěrokosć temow
• wěrju přeco hišće do toho, zo móžu z ryzy informacijemi ludźi kubłać, wšako chcych so jako šulerka dołho z wučerku stać

Što činju w swojim swobodnym času najradšo?

• ničo – do swěta hladać a pryzle plesć
• ze swójbu hromadźe a po puću być
• něšto twarić, sadźeć, nadźěłać
• powědančka pisać