MDR TELEWIZIJA | WUHLADKO | 06.08.2022 | 11:45 hodź. WUHLADKO – awgustowske wusyłanje: Poslednje žony w serbskej katolskej narodnej drasće

Poslednje serbske nošerki narodneje drasty / Die letzten sorbischen Trachtenträgerinnen
Bildrechte: Peter Symank/MDR

Prjedy hač póńdźemy – poslednje žony w serbskej katolskej narodnej drasće:

Hišće před někotrymi lětami postajowachu wone wobraz Łužicy: serbske žony w swojej narodnej drasće. Hač na dźěle, při nakupowanju abo njedźelu na kemšach, wone słušachu samozrozumliwje k wšědnemu dnjej na wsach dwurěčneje Łužicy. Hišće před sto lětami je nimale 85 procentow wšěch serbskich žonow wšědnje w drasće chodźiło. Tola dźensa je so tuta ze wšědneho dnja skoro zhubiła. Tak je w katolskich wosadach jenož hišće někak 20 žonow, kiž wšědnje serbske chodźa. Su zwjetša daloko nad 80 lětami a zhladuja na dołho žiwjenje, husto połne tradanja. Njenapadnje a ćicho dožiwjamy runje kónc lětstotki dołheje doby w serbskich stawiznach. Filmowcaj Pětr a Stefan Symank staj za WUHLADKO rěčałoj z někotrymi z tutych žonow, za kotrež je serbska drasta wjele wjace hač jenož woblečenje. Za tutu 20-mjeńšinsku dokumentaciju staj filmowcaj organizowałoj zetkanje poslednich žonow, kiž hišće wšědnje w drasće chodźa. Po dokumentaciji porěči moderatorka WUHLADKA Bogna Korjeńkowa z młodej serbskej designerku Štefi Hanušowej a šwalču Petru Kupcynej mjez druhim wo móžnym přichodźe narodneje drasty a prašenju: „Kak móžemy młode serbske žony za drastu zahorić?“.

Poslednje serbske nošerki narodneje drasty / Die letzten sorbischen Trachtenträgerinnen
Bildrechte: Peter Symank/MDR

Temy zašłych wusyłanjow:

Nachwuchs 3 min
Bildrechte: MITTELDEUTSCHER RUNDFUNK
3 min

WUHLADKO reporter Jakub Wowčer je ju wopytał: Serbska dorostowa koparka

Serbska dorostowa koparka

Johanna Wjeselic z Radworja je talentowana serbska koparka a chodźi na sportowu šulu w Podstupimje. Smy ju tam wopytali. Jeje són, so něhdy raz z profijom stać.

Wuhladko Sa 09.07.2022 11:45Uhr 03:10 min

Rechte: MITTELDEUTSCHER RUNDFUNK

Video
Spieler 6 min
Bildrechte: MITTELDEUTSCHER RUNDFUNK
6 min

WUHLADKO rozprawješe live z Korutanskeje: To bě Europeada 2022

To bě Europeada 2022

Serbske mustwo je na lětušej EUROPEADŹE połfinale docpěło a na kóncu 3. městno wobsadźiło. Tule widźiće hišće raz krótke zjeće hrow wubranki.

Wuhladko Sa 09.07.2022 11:45Uhr 06:11 min

Rechte: MITTELDEUTSCHER RUNDFUNK

Video