MDR TELEWIZIJA | WUHLADKO | 02.02.2019 | 11:45 hodź. WUHLADKO – februarske wusyłanje
Hauptinhalt
25. August 2020, 09:58 Uhr
Nowe serbske institucije za Łužicu?
Před něšto časom smy w Serbach hišće wo tym diskutowali, kotre serbske institucije měli so zawrěć abo zjednoćić. Tuchwilu pak, mjez druhim w zwisku ze strukturnej změnu, debatujemy skerje wo załoženju nowych institucijow. Nowy župan Wojerowskeje župy „Handrij Zejler“, Marcel Braumann, namjetuje cyłołužiski centrum za dźěći w Čornym Chołmcu a centralnu hornjoserbsku rěčnu šulu we Wojerecach. Tola su tajke přeća realistiske?
Lodohokej
Hdyž je we Łužicy porjadna zyma, potom widźiš młodźinu so smykajo a za pukom po wjesnych hatach honić. Profije pak chcedźa swój lodohokej wot wjedra njewotwisnje hrać a zwučować. Tohodla dojědźe sej serbska skupina lodohokejistow prawidłownje do Warnoćic do tamnišeje lodoweje hale. Hač drje móže naš reporter w spěšnej a robustnej hrě wobstać?
Zymske žorawje
Žorawje w zymje we Łužicy – je to ornitologiska sensacija a před hišće někotrymi lětami njepředstajomny fenomen. Změny klimy dla ćehnje přeco mjenje ptačkow do Afriki, wostanu w zymje tu pola nas w Łužicy. Ornitologa Handrij Baumgärtel přepytuje hižo lěta dołho tutón fenomen a znaje tež najlěpše blaki, hdźež tučasnje tysacy zymskich hosći přebywaja.
