MDR TELEWIZIJA | WUHLADKO | 12.01.2019 | 11:45 hodź. WUHLADKO – januarske wusyłanje

18. Oktober 2021, 13:02 Uhr

Plany do noweho lěta

Tuchwilu móža wopytowarjo w Budyskim Serbskim muzeju tójšto wo žiwjenju łužiskich Słowjanow w srjedźowěku wuknyć. Za lěto 2019 su sej muzejownicy zaso tři wosebite wustajeńcy předewzali. Što chcedźa klětu pokazać, zhoniće w januarskim WUHLADKU, w rozmołwje z nawodnicu Christinu Boguszowej.

Nowy ultrazwukowy system

Fuzijowa technologija je jedna z najmłódšich inowacijow na polu mediciniskeje diagnostiki. Wosebje při přepytowanju tumorow je to wulki postup. Šefowy lěkar dr. Stephan Bulang w chorowni Diakonisow w Drježdźanach słuša při tym k prěnim lěkarjam w Němskej, kotřiž z tutej technologiju dźěłaja.

Jan Buk - Žiwjenje za wuměłstwo

Jan Buk liči k najwuznamnišim serbskim molerjam přitomnosće. Ze swojimi twórbami je serbske tworjace wuměłstwo prěni raz z folkloristiskeho wašnja wobhladowanja na nowy schodźenk zběhnył. WUHLADKO wopyta dźensa 96-lětneho molerja w Chrósćicach a zhladuje na jeho skutkopołne žiwjenje.

Adwentna akcija Serbskeho rozhłosa

“Wšitko spěwa, do ranja!” rěkaše dohodowna akcija Serbskeho rozhłosa. W třećim adwentnym tydźenju su so serbscy rozhłosownicy do serbskich wsow podali, hdźež su wobydlerjo připosłucharjam hodowne spěwy zanjesli. Jako myto čakaše kotoł horceje gulašoweje poliwki na nich, kotruž su sej potom we wjesnej zhromadnosći wječor zesłodźeć dali.