MDR TELEWIZIJA | WUHLADKO | 03.08.2019 | 11:45 hodź. WUHLADKO – awgustowske wusyłanje
Hauptinhalt
20. Januar 2021, 22:22 Uhr
Wólby do krajneho sejma
Jenož někotre tydźenje hišće su hač do wólbow w septembrje. WUHLADKO so kandidatow do toho naprašuje: Hraja Serbja we wólbnym boju scyła rólu? Kak wupada ze zdźerženjom a spěchowanjom rěče a kultury? Kotry wuznam maja za kandidatow serbske šule a institucije?
Swětowa folklora wabi
Mjezynarodny folklorny festiwal Łužica ma mjeztym krute městno w protyce tajkich festiwalow w Němskej. Spočatk julija běchu hižo 13. króć skupiny z cyłeho swěta z hosćom w Budyšinje, Chrósćicach a Hochozy. Tež lětsa su organizatorojo na to dźiwali, přeprosyć zastupjerjow małych ludow a narodnych mjeńšinow. Koncept, kiž bě tež 2019 wuspěšny a je wjele tysac přihladowarjow zahorił. WUHLADKO zhladuje na dołhi kónc tydźenja z wjele wjerškami.
1919 a són wo Serbskim staće
Před 100 lětami, z kóncom Prěnjeje swětoweje wójny, so hranicy w Europje nowo rjaduja. Němske kejžorske mócnarstwo a Rakusko-Wuherska monarchija rozpadnjetej. Wšudźe nastanu nowe staty – Pólska, Madźarska a Čěskosłowakska. Čehodla njemóže so potom tež we Łužicy nowy stat wutworić? Z tutej wiziju poda so Arnošt Bart 1919 z Budyšina na měrowu konferencu do Parisa. Tu jedna ameriski prezident Wilson z dobyćerskimi mocami wo přichodźe Europy – a tež wo załoženju nowych statow. A Arnošt Bart chce sobu jednać. Jeho cil: załoženje samostatneho serbskeho stata.
