MDR TELEWIZIJA | WUHLADKO | 11.01.2020 | 11:45 hodź. WUHLADKO – januarske wusyłanje

Sachsens Staatsministerin für Soziales und Verbraucherschutz Barbara Klepsch.
Bildrechte: Staatsministerium/Christian Hüller

Nowe woblićo

Z přisahanjom sakskeho knježerstwa krótko do hód je Barbara Klepsch nowa sakska ministerksa za serbske naležnosće. Z tym přewozmje strona CDU po dwejoch legislaturach tuton resort zaso wot SPD. Što wě nowa ministerka Klepsch dotal wo Serbach a kak chce so w přichodźe na dobro Serbow zasadźić. A što su wočakowanja resp. wobmyslenja serbskich institucijow na nowe wo blićo při jednanjach. 

Hórnikowy dom a přichod serbskich cyrkwinskich imobilijow

Wot 17. hač do 20. januara 2020 woswjeći so w Chrósćicach 600-lětny jubilej Bratstwa swjateho Bosćana. Mjez druhim tež w Hórnikowym domje. Tola kak póndźe z tutym domom poprawom w přichodźe dale? Su woprawdźe wšitke plany ponowjenja hižo z blida? A što měni k tomu biskopstwo? WUHLADKO poby w Chrósćicach a je sej z fararjom Měrćinom Deleńkom substancu a staw doma wobhladało. Nimo toho zaběramy so z přichodom serbskich cyrkwinskich imobilijow.

Awful Noise

Rock-n-Roll Highschool Konzert in Crostwitz mit den Bands Deyzi-Doxs & Awful-noise
Bildrechte: Clemens Schmidt/MDR

Po sydom lětach steja woni zaso na jewišću a hudźa serbski Metal. Band Awful Noise steješe krótko do hód ze skupinu Deyzi Doxs a tamnymi na jewišću w Chrósćicach. Pod hesłom "Rock'n'roll Highschool" běchu zaso krute, serbske spěwy słyšeć. Z nowymi mjezwočami na jewišću wědźachu swojich fanow zahorić. Wuhladko wukramosći pak tež wobrazy z archiwa a pokaza, kak skupina na staroznate, ale tež nowe, mjechke zynki sadźi.

Serbska opozicija

Před dokładnje 30 lětami, w januarje 1990 steješe na wjeršku dźěła – Narodna zhromadźizna, jenička serbska opoziciska skupina we Łužicy. Wosebje při kulojtych blidach wobliwowaše wona čas přewróta 1989/90 zasadnje a wurunowaše wichorojte časy.