MDR TELEWIZIJA | WUHLADKO | 04.09.2021 | 11:45 hodź. WUHLADKO – septemberske wusyłanje
Hauptinhalt
20 lět WUHLADKO
Spočatk septembra 2001 měješe hornjoserbski magacin telewizije MDR swoju premjeru. W septemberskim wudaću 2021 zhladujemy na kulowatu róčnicu: Z dopomnjenkami koleginow a kolegow a wurězkami z dweju lětdźesatkow telewizije za dwurěčnu Hornju Łužicu.
20 lět Chróšćanski zběžk
Wón bě woprawdźe wusahowacy – Chróšćanski zběžk před 20 lětami. Na jednym boku, dokelž Serbja k prěnjemu razej swoje narodne wočakowanja před zjawnosću z jasnymi słowami wuprajachu – na druhim boku, dokelž smy jako runje załožena redakcija WUHLADKA sobu jako prěni wo tym rozprawjeli. A hačrunjež njebě zběžk z wuspěchom, njeje wón zabyty. Pola nas a wosebje pola tych, kiž stejachu tehdy na čole protesta.
Filmowcaj zwěriny
Pětr a Stefan Symank słušetaj k filmowcam, kotřiž wot spočatka a prawidłownje za WUHLADKO rozprawjeja. Nic jenož wo historiskich podawkach, politiskich a stawizniskich pozadkach. Jedyn z jeju wosebitych konikow je přirodowy film. Z tutej zahoritosću staj bratraj fascinaciju Łužiskeje zwěriny z dotal wjace hač 50 přinoškami šěrokemu publikumej spřistupniłoj.
Nowosće wokoło ekspedicije do Pamira a Tian Shana
Dla pozitiwneho koronoweho testa dyrbješe so ekspedicija dočasnje skónčić. Tuta powěsć docpě nas zašły tydźeń. Hač a kak ma nětko scyła hišće dale hić, to zhoniće w septemberskim wudaću WUHLADKA.