MDR TELEWIZIJA | WUHLADKO | 06.11.2021 | 11:45 hodź. WUHLADKO – nowemberske wusyłanje

Myto Ćišinskeho 2021

Myto Ćišinskeho 2021 Załožby za serbski lud spožči so w oktobrje Trudli Malinkowej a Janej Malinkej za jeju wusahowace publicistiske prócowanja na polu serbskich kulturnych stawiznow a jeju wosebity angažement w Maćicy Serbskej, w Serbskim ewangelskim towarstwje a za jeju skutkowanje za serbski lud. WUHLADKO wobswětli dźěło wobeju prócowarjow.

Jedna z poslednich Serbowkow we Worcynju

Před 60 lětami běše tu hišće serbske žiwjenje – w regionje mjez Worcynom, Njechornjom a Wósporkom. Jako Róža Pinkawina 1959 tu swoju słužbu jako wučerka započnje, je serbska rěč hišće samozrozumliwa. Mjeztym je wona w Worcynju jedna z poslednich Serbowkow jedna z poslednich Serbowkow. WUHLADKO pohlada do stawiznow serbsko-ewangelskeje kónčiny a wuswětli, čehodla stej so rěč a kultura tu skoro pozhubiłoj.

Schmökel

Před 21 lětami bě wón šerjenje Łužicy – złóstnik Frank Schmökel. Cyła kónčina pytaše mordarja a wumocowarja Schmökela – stotki policistow přepytowachu kóždy kamjeń a trawičku. Dopominamy so na napjate dny, jako honichu Franka Schmökela po Hornjej Łužicy. 

Mamutowy běh 

WUHLADKO poda so na ekstremny běh z Berlina do Podstupima a zaso wróćo. 100 kilometrow w 24 hodźinach. Za to trjebaš chětro sylnu wutrajnosć. Serbaj ju měještaj a přeradźitaj nam, kak staj hoberske wužadanje zmištrowałoj.