MDR TELEWIZIJA | WUHLADKO | 08.01.2022 | 11:45 hodź. WUHLADKO – januarske wusyłanje
Hauptinhalt
70 lět Serbski ludowy ansambl
Je to jeničke profesionelne serbske rejowanske a hudźbne dźiwadło swěta – Serbski ludowy ansambl w Budyšinje. W januarje 2022 woswjeći wone swoje 70-lětne wobstaće. Tola prawu přičinu so radować zamołwići ansambla tuchwilu nimaja. Nimale dwě lěće běži dom jenož hišće na poł płomjenju. Koronoweje pandemije dla dyrbjachu mjeztym wjace hač 150 předstajenjow a turnejow wotprajić abo přesunyć, na přikład wustupy w Chinje, Ruskej abo w Španiskej.
Serbska digitalna konferenca
Quo vadis digitalne serbstwo? Z tutym prašenjom su so spočatk decembra wobdźělnicy druheje serbskeje digitalneje konferency rozestajili. Idejow a inowatiwnych konceptow je dosć. Tola je tež dosć kmanych a kompetentnych ludźi, kiž móža wuspěšnu a mnohostronsku digitalizaciju Serbow dale wjesć? A změjemy w Serbach bórze tež digitalne zetkawanišćo za tute temy?
Kickerowy start-up
Wón lubuje dźěło z drjewom, hačrunjež nima scyła žane wukubłanje w tutyym směrje. A tola ma w Budyšinje mały start-up předewzaće, hdźež blidowe kickery produkuje. Štó wón je a kak rjemjesło a předaće zmištruje, wjace wo tym w nowolětnym wusyłanju WUHLADKA.
