MDR TELEWIZIJA | WUHLADKO | 05.02.2022 | 11:45 hodź. WUHLADKO – februarske wusyłanje
Hauptinhalt
Generaciska změna
Zarjad Domowiny je so w zašłych lětach chětro womłodźił. Z Judit Šołćinej je nětko tež jednaćelstwo třěšneho zwjazka w młódšich rukach. W rozmołwje z WUHLADKOM rozprawja nowa nawodnica Domowinskeho zarjada wo swojich planach a předstawach do přichoda.
Winfriedowy dom w Schmiedebergu
Generacije serbskich dorosćenych a młodostnych su tam hižo pobyli – hač na młodźinskich kubłanskich dnjach dekanata abo na swójbnych seminarach. Tola po wjace hač 60-lětnym wobstaću dyrbješe so dom přetwarić a modernizować. Loni w nazymje bě tak daloko – nowy Winfriedowy dom so po dołhim přetwarje skónčnje wotewri. Što je so tam změniło a hdźe namakaš tam dźensa hišće serbske slědy – WUHLADKO je sej ponowjeny dom raz wobhladał.
Šěrcec Hanka
Das Theater ist wieder offen und bittet zur nächsten sorbischen Uraufführung: Šěrcec Hanka – nach Motiven des Buches „Hana. Eine jüdisch-sorbische Erzählung“ von Jurij Koch. Es ist die Geschichte von Hana aus Horka - einer katholischen Sorbin jüdischer Herkunft im Nationalsozialismus. Für sie wurde 2014 der erste Stolperstein in sorbischer Sprache verlegt. Das Stück zeichnet ihre Lebensgeschichte nach. Němsko-Serbske ludowe dźiwadło je zaso wotewrjene a wjeseli so hižo na přichodnu prapremjeru: „Šěrcec Hanka“ je kruch po noweli Jurja Kocha. Je to stawizna Hany z Hórkow – katolskeje Serbowki židowskeho pochada w času nacionalsocializma. Za nju bu 2014 prěni kopolak w serbskej rěči kładźeny. Dźiwadłowy kruch rysuje jeje žiwjenje.
Dźiwy přirody w biosferowym rezerwaće
Mnozy znaja jeho hišće jako woblubowaneho wučerja biologije na Serbskim gymnaziju w Budyšinje abo jako zahoriteho ornitologu wonka w přirodźe – Hans-Jürgen Flaka z Klukša. Tele dny móžeš jeho najebać chłódnych temperaturow husto wonka w biosferowym rezerwaće Hornjołužiska hola a haty zetkać. Wšako móže tam tuchwilu wosebite dźiwy přirody wobkedźbować.
26. Jolka-swjedźeń w Nuknicy
Nowe lěto, nowy program Jolki. Zhromadnje z Prawočanami a dalšimi přećelemi z bliska a daloka su Nukničenjo k druhemu razej swój Jolka-swjedźeń digitalnje woswjećili. Reporter WUHLADKA Jakub Wowčer bě pódla a rozprawja.
