MDR TELEWIZIJA | WUHLADKO | 05.03.2022 | 11:45 hodź. WUHLADKO – měrcowske wusyłanje
Hauptinhalt
Comeback Lózych hólcow
Woni ličachu w 90tych lětach k najpopularnišim serbskim hudźbnym skupinam – „Lózy hólcy“ wokoło spěwarja Marka Smoły. Tuchwilu nahrawa skupina nowu štučku. „Home office“ ma wona rěkać a kónc februara wuńć. Reporter WUHLADKA Clemens Šmit zhladuje na wuwiće skupiny „Lózy hólcy“ a je z čłonami wo planach do přichoda rěčał.
Serbske šulske towarstwo
Před lětom je Serbske šulske towarstwo nowe předsydstwo woliło. Mjeztym ma tež noweho jednaćela. Što móžachu po změnje generacijow w zašłym lěće docpěć? Kotre nadawki a wužadanja čakaja na polu serbskeho šulstwa a kubłanja w přichodźe?
Wuměłc korjenjow
Jeho material je njenahladny, wón sam njeje ženje wysokošulu za wuměłstwo wopytał, najebać toho nastawaja w jeho dźěłarni woprawdźite wuměłske twórby. Alojs Šołta zadycha mortwemu drjewu nowe žiwjenje, přetwori stare pjenki do wuměłskich twórbow.
WUHLADKO je wuměłca korjenjow dźen dołho při jeho lubowanym dźěle přewodźał, w lěsach wokoła Kamjenca a doma w Žuricach.
Serbja we wukraju
Po dwěmaj lětomaj pandemije chce so tójšto ludźom zaso raz won do swěta - wšojedne hač w Europje abo na tamny bok swěta. Do cyle rozdźělnych kóncow swěta su Serbja tuchwilu po puću. Reporter WUHLADKA Jakub Wowčer je z nimi porěčał.
