MDR TELEWIZIJA | WUHLADKO | 07.11.2020 | 11:45 hodź. WUHLADKO – novemberske wusyłanje
Hauptinhalt
Korona – aktualne wuwiće
Ličba nowych koronowych infekcijow w Hornjej Łužicy wot srjedz oktobra spěšnje stupa. W katolskich serbskich wosadach dyrbjachu wjacori duchowni po pozitiwnych testach do karanteny, tohodla njemóžachu žane kemše swjećić. Tež tradicionelne žohnowanje rowow na Wšěch swjatych bu zdźěla přestorčene. Zarjadniski zwjazk “Při Klóšterskej wodźe” dyrbješe dla karanteny wjacorych sobudzěłaćerjow swój dom w Pančicach-Kukowje nachwilnje zawrěć. WUHLADKO informuje wo aktualnych wuwićach.
Serbska sudnica
Wona je serbska sudnica, kotraž we wyšich ligach hry nawjeduje – Lea Krečmarjec (Krječmarjec?) z Wulkeho Wjelkowa. Před třomi lětami je k prěnjemu razej hru z mužemi we wokrjesnej klasy sudźiła, nětko je samo sudnica w zwjazkowej lize žonow B-młodźiny. WUHLADKO je ju zaso (čehodla „zaso“?) přewodźało - při hrě w Berlinje.
Přiražka za zjawnu serbskosć
Druhe lěto za sobu móžachu komuny w serbskim sydlenskim rumje w Sakskej lětsa přidatne pjenjezy za serbske naležnosće dóstać. Što pak su z wonymi 5.000 eurami wot kraja dotal činili? WUHLADKO je so w dwurěčnych gmejnach naprašowało.
Žně
W zašłych dnjach su na łužiskich polach lětušu kukuricu žnjeli – a to nic cyle bjez komplikacijow, kaž je naš team WUHLADKA dožiwił. Nimo toho chcychmy wědźeć, kak spokojni su drje młodźi serbscy ratarjo ze swojimi lětušimi žnjemi. Wšako su woni tež chětro eksperimentowali. W nowemberskim wusyłanju WUHLADKA zhoniće wo tym wjace.
