MDR TELEWIZIJA | WUHLADKO | 08.05.2021 | 11:45 hodź. WUHLADKO – mejske wusyłanje
Hauptinhalt
Swoboda kiwa
„Swoboda kiwa“ rěka 1919 nadźijepołnje we Łužicy, jako so europska zemjepisna karta po Prěnjej swětowej wójnje znowa rjaduje. Pod samsnym mjenom prezentuje Serbski Institut w zhromadnym dźěle ze Serbskim muzejom w Budyšinje wustajeńcu, kotraž stawizny serbskeho narodneho hibanja mjez Prěnjej a Druhej swětowej wójnu na nowe wašnje wobswětli.
Motiwatorojo Domowiny
Spočatk apryla je Domowina wupisała dźěłowej městnje za motiwatorow za tworjenje serbskich rěčnych rumow. „Motiwator je wosoba, kiž wožiwja a skruća rěčne rumy a serbsku identitu w kónčinach, hdźež je so serbšćina ze wšědneho dnja zhubiła", rěkaše tehdy w nowinarskim wozjewjenju. Tola kak móžemy sej tute dźěło wšědny dźeń předstajić? A buštej dźěłowej městni mjeztym scyła hižo wobsadźenej?
Michał Rostok
Wón běše přirodospytnik europskeho wuznama, wosebje na polu entomologije a botaniki. Připódla wuwiwaše serbsku přirodowědomostnu terminologiju. A tola je Michał Rostok mało znaty. Składnostnje jeho 200. narodnin wobswětli WUHLADKO žiwjenje a skutkowanje wuznamneho serbskeho wědomostnika.
Serbscy kralojo
Sydom serbskich kralow na horje Lubin spi, tak powěda stara serbska powěsć. Judit a Markus Herold z Bělšec pak chcetaj jich wubudźić, znajmjeńša symbolisce: Jako wulke figury ze zornowca chcetaj kralow při kołopuću wokoło Lubina stajić. Tam maja pućowarjow na serbske stawizny regiona skedźbnić. Naročny projekt čaka nětko na swoje zakónčenje.
Swójski hromak na talerju
Nic jenož morchej, solotej a radiski žnjeja zahrodkarjo wokoło Kulowa. Tež swójski hromak přińdźe na taler. Tam blisko Kulowa je mjenujcy wulke polo hromaka, kiž móža sej ludźo rynčk po rynčku žnjeć. Kulowski ratarski zawod MKH přehnaja hromakowe polo zajimcam. Smy lubowarjow tuteje zeleniny při žnjach zetkali.
Sakska ekspedicija do Pamira 2021
Rodźeny Drježdźanjan Elias Bětka słuša k iniciatoram tuteho wosebiteho dožiwjenja. Po dwulětnim planowanju a po intensiwnych přihotach mjez druhim w Alpach je nětko skónčnje tak daloko. Wot meje do septembra podadźa so pjećo do Pamira, zo bychu tam tři wjerški nad 7000 metrami přewinyli. WUHLADKO je jich při poslednich přihotach wopytało.
