Zdźělće nam swoje měnjenje: Serbska narodna drasta mjez modernu a tradiciju
Hauptinhalt
Tuchwilu jara diskutowana tema, hač směš dźěle serbskeje narodneje drasty we wšědnym dnju wužiwać. Mjez druhim čitać móžachmy wo tym w minjenymaj wudaćomaj Katolskeho Posoła. Tak rěkaše tam w dopisu, zo njeje katolska drasta dźěl modoweje konfekcije abo zo je to znjewužiwanje drasty.
Što Wy k tomu měniće? Móžeće sej předstajić, zo młodźina dźěle a elementy serbskeje narodneje drasty jako wšědnu modu wužiwa? K tomu wšak smy na našej instagramowej stronje naprašowanje přewjedli. Tam je so wjace hač 270 accountow, abo je ludźi swój hłós wotedało. 57 procentow z nich wita impulsy wokoło wužiwanja elementow narodneje drasty we wšědnej modźe. 36 procentow je přećiwo tomu. A 7 procentow wobdźělenych tuta diskusija njezajimuje.
Na instagramje potajkim wjetšina pro. Hinak bě to pola dopisow a měnjenjow, kiž su nam přez telefonaty, mailki abo Whatsapp dóšli. Tu je so zawěsće tež jedna hinaša starobna skupina słowow jimała. Měnjenja pro a contra běchu tu skerje wuwažowane.
Słyšće k tutej temje tež mysle Romana Nuka: