Rěčny kućik dr. Jany Šołćineje z wusyłanja 18.02.2015 Kóncowki žónskich swójbnych mjenow
Hauptinhalt
18. małeho róžka 2015, 08:51 hodź.
Změny w modernej towaršnosći wotbłyšćuja so tež w hornjoserbskej rěči, a tak wobchowaja młode serbske žony hustodosć swoje ródne mjeno tež po kwasu abo załoža swójbu z dźěćimi a wostanu njewudate. W tajkich padach nastanje prašenje, kak kónči jich swójbne mjeno. Kolegowka, kotraž ma dwě dźěści a so datal wudała njebě, měješe tuž ideju, so sama mjenować „knjeni Brězanecowa“, a tak je sama tež podpisała. Z čěšćiny je dokładźene, zo bu serbska spisowaćelka Marja Kubašec jako Marja Kubašecová pomjenowana, ale zmylk so hnydom zaso skorigowa. Haj, a w padźe młodeje Serbowki je tak, zo ma drje so rozsudźić, hač so dale „Brězanec“ mjenuje abo hač chce być knjeni Brězanowa, hačrunjež njeje mandźelska knjeza Brězana. Haj, na tajke komplikowane konstelacije njebě hornjoserbska spisowna rěč dotal přihotowana ...
