Beno Bělk
Hauptinhalt
01. nalětnika 2011, 09:46 hodź.
Beno Bělk moderěruje rańše wusyłanja a zestaja reportaže a přinoški. Nimo toho pućuje Radworčan rady po dalokim swěće a spěwa w chórje „Meja“.
Što dokładnje činju …
- moderěruju rańše wusyłanja
- zestajam reportaže a
- činju wšo to, štož so w rozhłosu hišće tak čini, hdyž je mikrofon hasnjeny
Mój lětnik …
1955
Hdźe sym wotrostł, hdźe bydlu dźensa …
- prěnje 21 lět doma w Čornym Hodlerju
- potom dźesać lět w hrodźe we Wutołčicach
- wot 1985 w swójskej chěžce w Radworju
Moje wukubłanje/studij …
- dobry serbski staršiski dom
- dźesać lět serbska polytechniska wyša šula w Radworju
- dźesać lět nawoda předawarnje awtow a motorskich
- dźesać lět redaktorstwo w Nowej Dobje
- wšědne žiwjenje we Łužicy …
Mój puć k rozhłosej …
- telefonat tehdyšeho nawody Budyskeho studija serbskeho rozhłosa, Helmuta Richterja
Što so mi na mojim dźěle lubi …
- zo wjele zhoniš
- zo stejiš často mjez frontami zajimow a měnjenjow
- zo smy w rozhłosu dobra měšeńca staršich a młodych
Što činju w swojim swobodnym času najradšo …
- doma pod wulkej wišninu sedźeć
- w chórje „Meja“ spěwać
- po daaaalokim swěće pućować
Moje žiwjenske moto …
Čiń to, štož činiš, z ćěłom a dušu. Ale njeměj so sam ženje za najwažnišeho.