MDR TELEWIZIJA | WUHLADKO | 05.12.2020 | 11:45 hodź. WUHLADKO – decemberske wusyłanje

Runje nětko na druhich njepozabyć

Tež lětsa zaso namołwja Gerat Róbl zhromadnje z Towarstwom swjateje Filomeny, so na pakćikowej akciji wobdźělić. Mjez druhim zasadźuje so Róbl hižo lěta dołho za dom w čěskej Dolnej Podluži, kiž skića maćerjam wućek, kiž žaneho wupuća njewidźa. Tutón dom budźe jedyn ze cilow, hdźež powjeze Róbl lětsa dariki, pakćiki a twory wšědneje potrjeby. WUHLADKO jeho na jězbje přewodźa.

Kinder und Erwachsene mit Paketen, Gerat Robel/Gerat Róbl, towarstwo swjateje Filomeny.
Bildrechte: MDR/Bettina Wenderoth

Jan Bělk

Wón je hudźbnik, spěwar, komponist, aranžer, nakładnik, dirigent a zwukowy mišter – Jan Bělk. W kulturnej scenje pak je Bělk tež dla swojich spektakularnych multimedialnych instalacijow znaty. Na kotrym projekće drje wón tuchwilnje dźěła a kak wobliwuje pandemija jeho skutkowanje? WUHLADKO je jeho w Fredersdorfje blisko Berlina wopytało.

Jan Bělk / Jan Bilk (SERVI)
Bildrechte: SERVI Verlag

Dom kata po puću

Njeswačanske towarstwo přećelow kultury a domizny zwoprawdźa tučasnje jónkrótny projekt. Tak mjenowany dom kata, historiske twarjenje na Lišej Horje, kotrež hižo lětdźesatki dołho rozpaduje. Tute chcedźa nětko wobšěrnje saněrować. Za to cyły dom wottwarja a do specialneje ćěslernje do Thalheima w Rudnych Horinach transportuja. Tam ma so stara substanca wobnowjeć a hižo klětu chcedźa stary dom na nowym městnje, při Chasowskim wětrniku, zaso natwarić.

Scharfrichter-Haus Lisa Hora
Bildrechte: Peter Symank