MDR TELEWIZIJA | WUHLADKO | 09.01.2021 | 11:45 hodź. WUHLADKO – januarske wusyłanje

Digitalizacija serbšćiny

Wuspěšna digitalizacija serbšćiny wobhladuje so jako fundament k zdźerženju rěče a kultury. Tola kak daloko su Serbja mjeztym hižo na tutym polu, na čim tuchwilu hišće klaca a kak je koronowa pandemija proces serbskeje digitalizacije wobwliwowała? To zhoniće w januarskim wudaću WUHLADKA.

Schüler einer 5. Klasse lernen mit iPads im Englischunterricht
Bildrechte: dpa

Wjacławkec dom drastow

Skoro 100 lět dołho běše wón srjedźišćo za narodnu drastu we a wokoło Wojerec. Tola dokelž lěto a mjenje žonow w drasće chodźi, dyrbješe tež Wjacławkec dom drastow swoje dźěło nowo wusměrić. W zhromadnym dźěle ze serbskim drastowym forumom nastachu prócowanja, wosebje so zhubjacu wědu stareho rjemjesła wuchować  a z tym narodnej drasće přichod zmóžnić.

Wjacławkec dom drastow / Trachtenhaus Hoyerswerda
Bildrechte: Peter Symank/MDR

Serbja we wukraju

Hižo w nalěću rozprawjachmy wo Serbowkach a Serbach, kiž su w cuzbje swoju druhu domiznu namakali. Kak je so jim mjeztym zešło, kak su woni koronowu pandemiju w cuzbje dožiwili a kak scyła hody w Norwegskej swjeća – wšitko to zhoniće w nowolětnym wudaću WUHLADKA.

Eine kleine Stadt an einer felsigen Küste mit aufgerissenen rosa Wolken
Ein Fjord in Norwegen am Abend Bildrechte: MDR FERNSEHEN

Hodowna akcija

Wjace hač 5.000 Ochranowskich hwězdow je tučasnje zličene. Je to adwentna akcija Serbskeho rozhłosa a WUHLADKA, kotraž zmóžnja so z pomocu słucharjow. Z wjace hač 40 wsow dwurěčneje Łužicy su ličby k nam dóšli. Jako prěnja wjes běchu Pančicy wuličene ze 56 hwězdami. Najwyša ličba hwězdow je nas docpěła z Worklec ze 485. Lisćinu dotal wobdźělenych wsow móžeće sej na našej internetowej a na našej facebookowej stronje "MDR Serbja" wobhladać. We wusyłanju 24.12. potom dobyćerja wulosujemy, kiž smě so přez hwězdu z Ochranowa wjeselić.

Herrnhuter Stern und zwei andere Faltsterne leuchten im Dunklen
Bildrechte: MDR/Ulrike Kaliner