Třidimensionalne jutrowne jejka
Hauptinhalt
18. jutrownika 2024, 14:44 hodź.
Na stronje Braniborskeho digitalneho muzeja hodźi so jejko do wšěch směrow wjerćeć. Třidimensionalne scannery tole zmóžnjeja.
Z tutej techniku su scannowali wuzwolene jutrowne jejka w dźěłarničce makerspace statneje uniwersitneje biblioteki w Drježdźanach (SLUB), hdźež maja za to najmoderniše srědki. Třidimensionalne jutrowne jejka w digitalnym muzeju su na přikład zběrka Lotara Balka - štož je projekt digitalneho registra kulturneho herbstwa. Abo jejka wot Jenny Pohl. Na nich je figura we wšelakich narodnych drastach widźeć. Ju móžeš na wobrazowce tam a sem kuleć. Nimo toho namakaće w digitalnym muzeju dalše serbske objekty, wobrazy a historiske filmy. Link na digitalne walkowanje jejkow namakaće na našej app MDR Serbja.
