Anschluss und Anmeldung der Sonde an einen Rechner, ans Internet.
prawa za wobrazy: Jörg Farys / BUND

Rěčny kućik | dnja 12.12.2018 z dr. Janu Šołćinej Serbska rěč so wuwiwa – Rěčny kućik

Anschluss und Anmeldung der Sonde an einen Rechner, ans Internet.
prawa za wobrazy: Jörg Farys / BUND

Windhundverfahren

W času digitalizowanja organizujemy sej mnohe wěcy wšědneho dnja z pomocu interneta. Chcych so njedawno za wěsty kurs přizjewić, a přećelna žona mi při telefonje praješe, zo měła so na internetowej stronje zapisać a potom so - citat němsce: „im Windhundverfahren" rozsudźi, hač směm so wobdźělić. Wo tajkim principje tworjenja rozsudow hišće ničo słyšała njeběch. W serbšćinje znaju drje wobrot „ta wěc ma chorta", ale byšće wy, lubi słucharjo, wědźeli, što je chortowski princip abo postupowanje po přikładźe dołhonohatych hońtwjerskich psow? Wězo spěšnje za tym přińdźeš, kotry zmysł so za němskej zestajenku „Windhundverfahren" chowa: tón, kiž je najspěšniši w procesu přizjewjenja, městno w kursu dóstanje. Wězo móhli serbsce prajić, zo rozsudźi so po principje spěšnosće resp. priority. Namjetaj honjenski abo hońtwjerski princip njebych wužiwała. A tak bych serbsce situaciju skerje leksikalisce wopisowała a prajiła: Čim spěšnišo so w interneće přizjewju, ćim prawdźepodobnišo je, zo městno dóstanu.

Wubrane rěčne kućiki zašłych wusyłanjow smy za was do indeksa zjeli, zo byšće je stajnje zaso wužiwać móhli.

Dyrbiće jenož na slědowacy link kliknyć!

posledni raz aktualizowane: 22. smažnika 2011, 08:39 hodź.