Naš nowy poskitk za was! Serbska hudźba - wšudźe a přeco

Wotnětka je móžno, serbsku hudźbu wšudźe a přeco poskać. Serbske hudźbne titule z našeho rozhłosoweho programa móžeće sej tule na swoje ličaki abo smartfony sćahnyć a tež składować. Tak móžeće sej na přikład nowu serbsku hudźbu tež sobu na wulěty abo do dowola wzać a po puću w awće poskać, bjez toho, zo so runje w Serbskim rozhłosu piskaja. Wjele wjesela při słuchanju!

Serbska hudźba - wšudźe a přeco
prawa za wobrazy: mdr/Colourbox.de

Wuzwolće sej tule titule z našeho wuběrka a składujće sej je cyle jednorje jako mp-trójku (mp3). Za to maće na spěw stłóčić a potom jewi so deleka pokazka na download titula. A wězo móžeće sej spěwy tež naposkać:

Nowe hudźbne produkcije Serbskeho rozhłosa

Zo njedyrbi hudźba, kiž so w radiju piska, přeco jenož hura a zwjeselaca być, ale, zo móže tež k přemyslenju pohnuwać, to zhoniće a słyšiće hnydom. Je wšak to kaž w žiwjenju tež: Druhdy su tež měrniše a melancholiske zynki cyle přijomne. Tež Hanka Wowčerjowa rodźena Smolic z Kozarc je tole začuła, jako je swójski spěw spisała a skomponowała. Zhromadnje ze Serbskim rozhłosom je jón potom před krótkim produkowała:

Dalša nowa produkcija Serbskeho rozhłosa je spěw skupiny Holaski z titulom "Samba Ole ole". Wosebitostka je zestawa skupiny. Najmłódši čłon je 15 lět, najstarši 22. A to je Józef Dónat, kiž raz přeradźi, kak z "harmoniju" při zhromadnych probach wupada. Hólcy zwučuja mjenujcy stajnje w dóbrej stwi w Chrósćicach

“Rejuju na dróze” spěwa Michaela Melcerowa w cyle nowej produkciji za Serbski rozhłós. A tež wy móžeće k hudźbje nětko wšudźe a přećo rejować. Tu mamy wobrazy nahrawanja z producentku Annu Marlenu Bickingec.

Dalšu nowu produkciju smy wam njedawno hižo předstajili. Weronika Zahrodnikowa je interpretka spěwa. A nam je tule přeradźiła, kotrej serbskej hudźbje wona nimo toho hišće rady sćěhuje.