Program njedźelu Njedźelniši program SERBSKEHO ROZHŁOSA
Hauptinhalt
05. winowca 2020, 15:29 hodź.
Wot dopołdnja 11.00 do připołdnja 12.30 hodź. słyšiće na frekwencomaj 93,4 a 100,4 MHz wusyłanje w hornjoserbskej rěči. Po tym přizamknje so hač do popołdnja 14.00 hodź. delnjoserbski program w zamołwitosći sćelaka RBB, tež na MDR-frekwency 100,4 MHz.
Njedźelniše wusyłanja …
… su přewažnje programy za cyłu swójbu. Wone skića nimo wosebitych hudźbnych wusyłanjow wosebje tež wuměłsko-literarne žanry a druhe zestajene wusyłanja k specifiskim problemam narodnych mjeńšinow.
Aktualita pak hraje tež njedźelu wažnu rolu, w přinoškach najwšelakorišeho razu. W nich so jenož wusahowace serbske podawki wotpowědneho kónca tydźenja njereflektuja, ale tež najwažniše podawizny minjeneho tydźenja wuzběhuja.
Hłowne wobsahi njedźelnišich wusyłanjow:
- podawki tydźenja
- featury/portrety
- słuchohry
- magacinowe wusyłanja k aktualnym podawkam
- hudźbne wusyłanja
- čitanja/recensije
- reportaže/rozprawy/komentary
- rozmołwy
- nabožne wusyłanja
- zbožopřeća
