Syman Hejduška
Hauptinhalt
01. nalětnika 2011, 09:42 hodź.
Sym w hudźbnej redakciji a staram so mjez druhim wo planowanje hudźby we wšědnych wusyłanjach, zestajenje hudźbnych wusyłanjow a hdys a hdys wo hudźbne abo kulturne přinoški za rańši program. Dale staram so hromadźe z Handrijom Špitankom wo nowe hudźbne produkcije.
Rodźeny sym 1996, wotrostł w Hórkach, wučerstwo za hudźbu studował w Drježdźanach a sej wšo móžne wokoło produkcije hudźby w Nashvillu (USA) nawučić dał – nětko bydlacy w Budyšinje.
W času studija sym raz praktikum w hudźbnej redakciji Serbskeho rozhłosa činił – hižo tam je so pokazało, kak jara so mi dźěło lubješe. Přez wokołopuće sym potom po studiju zaso puć jako swobodny sobudźěłaćer do redakcije namakał. Wosebje lubi so mi wotměnjawe dźěło – ženje njewěš dokładnje, što na tebje čaka, hdyž do studija zakročiš. Najrjeńše wězo je, zo móžu cyły dźeń hudźbu słuchać a so přeco zaso ze stawiznami za spěwami zaběrać.
Nimo dźěła w rozhłosu sym jako swobodny hudźbnik po puću – tuž poprawom w někajkej měrje cyły čas dźěłam. Hdyž potom tola raz kusk swobodneho časa mam, to najradšo jednorje w swojim bydlenju při filmje wotpočnu abo so při krasnym wjedrje wuchodźuju, tak zo móže so hłowa raz porjadnje přewětrić.
Žiwjenske moto? Bjez směška a tryska njemóžeš přez žiwjenje kročić…
