Beno Šołta
Hauptinhalt
01. nalětnika 2011, 09:42 hodź.
Najradšo je Beno Šołta live wonka po puću, hač na póstnicach, w přirodźe abo při kupanju w zymnej wodźe. Wón je zdobom zamołwity redaktor młodźinskeho wusyłanja Satkule.
Što dokładnje činju …
- moderěruju rańše a njedźelniše wusyłanja
- přihotuju wusyłanja, sym zamołwity redaktor radija Satkule
- a najradšo sym live wonka po puću, hač na póstnicach, w přirodźe abo při kupanju w zymnej wodźe
Mój lětnik …
1984
Hdźe sym wotrostł, hdźe bydlu dźensa …
-w krasnym Róžeńće sym wotrostł, a hačrunjež bydlu w Miłoćicach, sym přeco hišće Róžeńčan
Moje wukubłanje/studij …
sym wukubłany fachowc za multimedia
Mój puć k rozhłosej …
- přez něhdyšeho redaktora sym w meji 2002 připadnje k Satkuli přišoł
- 12 lět sym so tam wucychnował a při tym wjele wot staršich kolegow nawuknył a sej wothladał
- paralelnje stajnje hižo přinoški a dźěła za “wulki” rozhłós přewzał
- z lěta 2009 swobodny sobudźěłaćer pola Serbskeho rozhłosa
Što so mi na mojim dźěle lubi …
- najradšo sym live po puću a pokuknu do wšěch móžnych stwow a dam sej cyle zajimawe podawizny powědać
- stajnje zaso něšto přinawuknješ a zeznaješ a so dźiwaš, wo kotrych zajimawych powołanjach/hobbyjach/stawiznach móža Serbja powědać
Što činju w swojim swobodnym času najradšo …
- smalu po Łužicy ze sportowymi črijemi, wubědźowanskim kolesom abo płuwam w našich chłódnych hatach a jězorach
- ale prewšo rady dundam tež něhdźe po swěće
Moje žiwjenske moto …
Njebjer žiwjenje pře chutnje, hewak to njepřežiwiš.
