Lydija Maćijowa
Hauptinhalt
Što dokładnje činju …
- sym zamołwita za našu onlinowu stronu www.mdr.de/serbski-program a našu app “MDRSerbja” , nimo toho postaram so wo prezencu w socialnych medijach
- jónu wob měsac sym za našich małych słucharjow z DUNDAKOM po puću, hač na konju abo na syčomłóćawje, wostudłe ženje njebudźe (přeco tu druhu sobotu w měsacu napoł dźewjećich)
- hdys a hdys pisam serijal za dźěćacy rańši postrow – na přikład wo lutkach a wo błudničce Janice
- sym tež režiserka za dźěćacy rańši postrow
- rady wobjednawam wobšěrnišu temu za njedźelniše wusyłanje
- a jeli wostanje hišće chwile, potom so tež aktualnej temje z přinoškom wěnuju
Mój lětnik
1984
Hdźe sym wotrostła, hdźe bydlu dźensa:
najrjeńši blečk na zemi: Hrubjelčicy
Moje wukubłanje/studij
Wukubłanje na asistentku za medije a na medijowu překupču w Drježdźanach a Lipsku. Zakładny studij rehabilitaciskeje pedagogiki w Halle.
Mój puć k rozhłosej
Pokiw přećela, zapal za medije a čwak zboža.
Što so mi na mojim dźěle lubi
Wotměna a zo směm stajnje něšto přiwuknyć, přećelni kolegojo a zo njeje moje dźěłowe městno na pisanske blido wjazane a móžu stajnje won do žiwjenja.
Što činju w swojim swobodnym času najradšo …
Moje dźěći maja stajnje dobru ideju. Ručež mam chwile, čaka hromada knihow na mnje. A pisam sej jara rady z přećelkami dołhe mailki, doniž mam zaso wjac chwile, so wječor z nimi zetkać.
Moje žiwjenske moto
“Hladaj runje do swěta, žiw, pak žiw so doma.”
