Serbska rěč so wuwiwa – rěčny kućik z dr. Leńku Šołćic, 29.03.2023 Rěčny kućik: Mjena krajow
Hauptinhalt
28. nalětnika 2023, 13:22 hodź.
Rěčny kućik: Mjena krajow
Před lětami sym rozmołwy ze staršimi ludźimi nahrawała. W tutych tekstach napadnu mi wurazy abo formy, kotrež dźensa njebychmy wjace tak wužiwali. Powědachu mi, kak su we Łužicy wojacy z Belgiskoh byli, kak su z kolesami hač do Tyrinskoh jěli, wo ćěkańcach ze Šleziskoh abo wo jatbje w Rósenskom. A dopomnju so tež derje, kak staj mój dźěd a wowka přeco do Čěskoh jězdźiłoj. Móžny je němski wliw, hdźež praješe so prjedy tež: ins Bayrische fahren. Namakamy to na přikład pola Theodora Fontane. Poprawom su formy kaž Belgiskoh abo Tyrinskoh abo němske Bayrische adjektiwy a k tomu słušacy substantiw, w tutym padźe kraj resp. Land je so wuwostajił. Serbsce by potajkim dyrbjało dospołnje rěkać do Tyrinskeho kraja. Zo so genitiwna forma pola adjektiwa skrótši, město Tyrinskeho Tyrinskoh, je we wobchadnej serbšćinje z wašnjom, hlej widźu rjanoh muža.
Sorbisches Programm
