prawa za wobrazy: MDR/Teresa Stübner

Serbska rěč so wuwiwa – rěčny kućik dźensa z dr. Leńku Šołćic, 31.05.2023 Rěčny kućik - hamende, hejgen a holwege

31. róžownika 2023, 08:29 hodź.

Rěčny kućik - hamende, hejgen a holwege

Hamende móžemy jutře kupać jěć, hejgen budźe holwege rjane a ćopłe wjedro! Tři rjane słowa z dialekta resp. wobchadneje rěče. Na prěni pohlad njespóznajemy snano hnydom jich němski pochad, dokelž su chětro změnjene. Hamende, abo druhdy tež skrótšene mende, ma woznam snano, němsce etwa, vielleicht, a pochadźa z němskeho am Ende. Němsku sadu Am Ende kommt er doch noch móžemy do serbšćiny přełožić z Hamende wón tola hišće přińdźe a z tym tukanje zwuraznić. Hejgen wotpowěduje němskemu eigen. Tu je z woznamom trochu komplikowanišo. W němčinje ma eigen prěnjotnje posesiwny woznam, zo něšto někomu słuša, ale tež, zo ma něšto wěstu kajkosć, hlej konstrukcija der Sache eigen. W hornjoserbšćinje znaju pak wužiwanje formy hejgen jenož we woznamje pozdatnje, najskerje, němsce angeblich, anscheinend. Třeće słowčko, holwege, je němske halbwegs. W spisownej serbšćinje by so za to móhło tak někak wužiwać. Tuž přeju wam holwege rjany dźeń!

dr. Leńku Šołćic