Serbska rěč so wuwiwa – rěčny kućik z dr. Leńku Šołćic, 21.06.2023 Rěčny kućik – Bože ćěło
Hauptinhalt
21. smažnika 2023, 08:59 hodź.
Rěčny kućik - Bože ćěło
Njedawno swjećachmy w katolskich wosadach Bože ćěło, ze swjatočnymi procesionami a holcami w družčej drasće. Pomjenowanje tutoho cyrkwinskeho swjedźenja jako Bože ćěło je přełožk z němčiny, hdźež rěka tutón swjaty dźeń Fronleichnam, štož woznamjenja posłownje „ćěło knjeza“. Fron woznamjenješe mjenujcy prěnjotnje, w starej němčinje „to štož knjeza – duchowneho abo swětneho – potrjechi, štož knjezej słuša“, a z frō je so knjez, tež Bóh, narěčał. A tak spóznajemy přełožk Bože ćěło w serbšćinje, ćěło Knjeza Jězu Chrysta. Při čimž z ćěłom abo tež z němskim Leichnam tu njeje mortwe ćěło měnjene. W serbšćinje móže so słowo ćěło na žiwe a mortwe ćěło poćahować, to njerozeznawamy. Tak běše to tež hišće w starej němčinje ze słowom līcham(e)/ Leichnam.
Dieses Thema im Programm: Sorbisches Programm | 21. Juni 2023 | 08:59 Uhr
